Anqaradagi teraktda halok bo‘lgan 28 kishidan 27 nafari harbiy, bir nafari esa davlat xizmatchisi bo‘lgan. Bu haqda mamlakat bosh shtabiga hamdardlik bildirish uchun kelgan Turkiya bosh vaziri Ahmet Davuto‘g‘li ma’lum qildi, deya xabar beradi “RIA Novosti”.
Minalashtirilgan mashinaning portlashi 17-fevral, chorshanba kuni Anqara markazidagi gavjum chorrahada, parlament, bosh shtab va habiylar yotoqxonasi yaqinida sodir etildi. Terakt harbiylarni olib ketayotgan transport kolonnasi svetoforning qizil chirog‘ida to‘xtab turganida ro‘y bergan. Buning oqibatida 28 kishinobud bo‘lgan, 61 kishi turli darajada jarohat olgan.