AQSh Transport vaziri Entoni Foks va AQSh Davlat kotibining iqtisod va biznes bo‘yicha yordamchisi Charlz Rivkin 16-fevral, seshanba kuni Kuba vakillari bilan ikki mamlakat o‘rtasida aviaqatnovlarni tiklash bo‘yicha kelishuvni imzoladi. Bu haqda AQSh Transport vazirligiga tayanib, “TASS” xabar qilmoqda.
Tadbir Gavanada bo‘lib o‘tdi. Kuba tomonidan mamlakat Transport vaziri Adel Iskyerdo Rodriges va Kuba fuqaro aviatsiyasi instituti prezidenti Alfredo Kordero Puch hujjatga imzo qo‘ydi.
“Biz amerikalik eltuvchilarga, yuk jo‘natuvchilarga va yo‘lovchilarga doimiy aviaqatnovlar bo‘yicha yangi xizmat joriy qilinganini ma’lum qilishdan xursandmiz”, — dedi Foks.
Hozirgacha AQShdan Kubaga faqat charter reyslari yordamida to‘g‘ridan-to‘g‘ri yetib olish mumkin edi.
Manba
