Muhtoj bo’lib qolganlarning barchasi ham birovdan ovqat so’rashga botinavermaydi . Saudiya Arabistonining Hail shahrida istiqomat qiluvchi kishi esa muhtojlarga yordam qilishning “andisha tig’i“dan himoya qiluvchi samarali hamda oddiy usulini o’ylab topdi.
U ko’chaga muzlatgich o’rnatib, muhtojlar uchun ovqatlar qoldira boshladi.Qorni och har qanday odam bemalol mulatgichdagi ovqatlarni yeysihi yoki uyiga olib ketishi mumkin. Bundan o’rnak olgan qo’shnilar ham uylaridan ovqat olib chiqib, muhtojlar uchun muzlatgichga qo’ya boshladilar.
Bu voqea haqida dastlab mamlakatning yetakchi diniy peshvolaridan Shayh Muhammad al-Arefe o’zining twitter sahifasida xabar bergan bo’lib, ushbu tvit-xabar tez orada 5000 martadan ortiq qayta e’lon qilingan. Keyinroq bu voqea haqida sahifalariga har kuni millionlab odam tashrif buyiruvchi dunyoning yetakchi internet nashrlari ham xabar bergan.
Ijtimoiy tarmoqlarda keng muhokamaga sabab bo’lgan ushbu voqea qizg’in munozaralar va odamlarni ko’proq yaxshilik qilishga chaqiriqlarni ko’payishiga ham sabab bo’lmoqda. Jumladan, masjidlar va o’ziga to’q insonlarni ko’chada shunday hayriya muzlatgichlar sonini ko’paytirishga chaqirmoqdalar.
Manba: huffingtonpost.com