Facebook kompaniyasining reklamadan daromad keltiradigan xorijiy mijozlari ulushi birinchi marta kompaniyaning AQShlik reklama beruvchi mijozlarining ulushidan ko'proqni tashkil etib, butun dunyo bo'yicha 51 foizga etdi. Bu haqda Reuters axborot agentligi xabar bermoqda.
Bundan kompaniyaning joriy yilning 1-choragidagi ma'lumotlari darak bermoqda. Shuningdek, kompaniyaning Osiyodagi mijozlari soni 57 foizga oshgani aytilmoqda.
“Keyingi 1 mlrd mijoz aynan Osiyo davlatlaridan bo'lishi kutilmoqda”, deb aytdi Facebook prezidenti Karolin Everson.
Kompaniyaning reklamadan olgan daromadlari 46 foizga, ya'ni 3,3 mlrd dollargacha oshdi. O'tgan yilning shu davriga nisbatan kompaniyaning reklamadan olgan daromadlari 36 foizga oshgan.
Everson ayni paytda mobil reklama reklama beruvchilar uchun ko'proq ma'qul kelayotgani va bu turdagi reklamadan olinayotgan daromad kompaniyaning umumiy daromadining 70 foizini tashkil qilayotganini aytdi.
