“Barselona” jamoasi hujumchisi Luis Suares “Arsenal”ga qarshi YeChL nimchorak finalida bahs o‘tkazish uchun Londonga uchish oldidan pasportini uyda unutib qoldirdi, deb xabar bermoqda “Chempionat”.
Urugvaylik futbolchi aeroportga kelganidan so‘ng o‘z pasportini uyda unutib qoldirganini tushunib yetdi. Shundan so‘ng, Katalon klubining delegatsiya a’zolaridan biri Suaresning uyiga borib, uning pasportini aeroportga keltirgan. Natijada, hujumchi jamoa bilan birgalikda Londonga uchib ketdi.
Qayd etish joiz, “Arsenal” va “Barselona” o‘rtasidagi uchrashuv bugun, 23-fevraldan 24-fevralga o‘tar kechasi, tungi 00:45 da boshlanadi.
