Ko’pchilik nonushtani shirinlikdan boshlaydi. Ular quritilgan mevalar bo’lsa, yaxshi. Lekin ko’pchiligimiz nonushtaga saryog’li non,tuxum,kolbasa, shirin choy, bulochka bilan kifoyalanamiz. Agar bu odat tusiga kirib qolsa, kun davomida miyangiz xar xil fikrlardan nega g’ovlab ketayotganidan xayron bo’lmang. Shirinliklar tarkibida xursandchilik gormoni - seratonin meyoridan ortiq bo’ladi. Shunng uchun ko’pchilik odamlar shirinlikka o’ch bo’ladi. Ammo shirinliklar olib kelgan xursandchilikning bizga xech qanday foydasi yo’q. Bir ozdan keyin hamma narsaga loqaydlik, tushkunlik sezishingiz ana shundan. Keling, odatdagi shirinliklar o’rnini turshak, yong’oq, bodom bilan, kolbasa o’rniga xasip, saryog’ o’rniga qaymoq qo’shilgan tvorogga almashtiramiz. Bu mahsulotlar tez xazim bo’lib, miyaga quvvat beradi.
Miyani zo'riqtirmaslik uchun
Achchiq damlangan qora choy, qaxvani meyoridan ortiq qabul qilsangiz, bosh miya faoliyatiga jiddiy to’sqinlik qilasiz. Achchiq qahva organizimni suvsizlantirib, ko’p miqdorda ichilsa, odamning jizzakiligini oshiradi. Ko’k choyni yalpiz bargiga qo’shib ichish bundan mustasno. Agar ko’k choy qon bosimingizni tushirib yuborsa, choyga sut va novvot solib iching.Shunda behollik, kamquvvatlik kabi muammolardan osongina qutulgan bo’lasiz. Shuningdek, kun davomida ko’proq suv ichishga harakat qiling. U xox gazsiz mineral suv, xox oddiy qaynatilgan suv bo’lsin, miya uchun birdek foydali. Aslida tanamizning 80 foizi suvdan iborat. Suvsiz miya hujayralari nobud bo’la boshlaydi. Sharbat, choy, qaxva va boshqa ichimliklar qanchalik xushta’m bo’lmasin,oddiy suv o’rnini bosolmaydi.
Yomon illatlarda uzoqroq bo'lgan ma'qul ekan
Bosh miya faolyatini tamaki chekish, spirtli ichimliklarga ruju quyish kabi noxush illatlar tormozlaydi. Tamaki chekuvchilar nafaqat yurak, o’pkani zaharlaydi, balki miyaning aqliy faoliyatiga jiddiy putur yetkazadi. Spirtli ichimliklar xam tom ma’noda odamni aqldan ozdiradi, ongini zaxarlaydi. Keksa yoshda xotiraning pasayishiga olib keladigan skleroz, altsgeymer kasalliklaridan saqlanaman, desangiz bu noxush illatlardan tezroq voz keching.
