Instagram ijtimoiy tarmog‘ida faol bo‘lgan aktrisa Muqaddas Sa’dullayeva turmush o‘rtog‘i bilan bog‘liq savollarga javob berishdan o‘zini olib qochayotgandi. Biroq ushbu ijtimoiy tarmoqdagi @mashhur_yulduzlar_oilasi sahifasidagi surat hamda Muqaddas Sa’dullayeva va Sanjar G‘aniyevlarning o‘zaro “aytishuv”laridan ularning munosabatlari buzilgani oydinlashdi, deya ma’lum qiladi UZ24.
Sahifaga Sanjar G‘aniyev qizi Sa’diyaxon bilan tushgan surati joylandi. Surat bu yosh oilaga baxt tilaklari hamda “ular birga yashamaydi”, degan izohlar bilan to‘lib-toshdi. Izohlarga Sanjar G‘aniyevning o‘zi ham qo‘shildi va “Qizini ko‘rdi degani – oilasiga qaytdi, degani emas. Oila yo‘q!”, — deb yozdi.
Muqaddas Sa’dullayeva ham bu gaplarga chidab turolmadi va turmush o‘rtog‘iga: “Yashamaslikka yetarli sabab ham yo‘q. Erkak kishi mas’uliyatli bo‘lishi kerak. Odam farzandining taqdiriga bir o‘zi kurashgani bir tiyin ekan… Bolam uchun shuncha kurashib adashibman. Siz Sa’diyaga noloyiqsiz!” — deya javob qaytardi.
Eslatib o‘tamiz, oldinroq O‘zbekiston xalq artisti Lutfulla Sa’dullayev hamda O‘zbekistonda xizmat ko‘rsatgan artist Gulchehra Sa’dullayevaning kenja qizi bo‘lgan aktrisa ota-onasiniki kabi muhabbat unga nasib etmaganini aytib o'tgandi.
Manba
