Olimlarning aniqlashicha, tarkibida 60 foiz kakao bo'lgan qora shokolad e'tiborni va faollikni oshirishga yordam beradi. Agar uni ko'k choy bilan iste'mol qilinsa, qon bosimi ham me'yorda qoladi, deb yozmoqda “Vokrug sveta” nashri.
Shimoliy Arizona universiteti olimlari tadqiqotda qatnashayotgan ishtirokchilardan turli foizda kakaoga ega shokoladni yeyishni so'rashdi hamda elektroentsefalografiya yordamida miyaning faolligini o'lchashdi. Tadqiqotda 18 yoshdan 25 yoshgacha bo'lgan 122 kishi ishtirok etdi. Tadqiqot davomida tarkibida 60 foiz kakao bo'lgan shokolad (qora shokolad uchun yo'l qo'yiladigan eng minimal ko'rsatkich) e'tiborni jamlashda eng ko'p foyda berishi aniqlandi, biroq u qon bosimini oshiradi. Olimlar bu muammoni ko'k choy orqali hal qilishdi. Ko'k choy tarkibidagi L-tianin aminokislotasi shokoladni choy bilan iste'mol qilgan tadqiqot ishtirokchilarining qon bosimini me'yorlashtirdi.
Tadqiqotni o'tkazgan psixologiya professori Larri Stivensning ta'kidlashicha, L-tianinga ega shokolad bir qator foydali xususiyatlarga ega. Ushbu tadqiqotni moliyalashtirgan Hershey kompaniyasi sotuvga shunday mahsulotni chiqarishni rejalashtirmoqda.