Qozog‘istonda davlat xizmatchilariga ish joylarida smartfon va planshetlardan foydalanish taqiqlanadi, deb yozadi “Interfaks”.
Agentlikka qator vazirliklar ishchilari ma’lum qilishicha, mart boshida ular endi o‘zlari bilan binolarga smartfon va planshetlarni olib kira olmasligi haqida xabardor qilingan.
24-martdan joriy qilinadigan ushbu taqiq haqidagi bildirishnoma bosh vazir kanselyariyasidan tarqatilgan. Unda smartfon va planshetlarni uyda qoldirish yoki tugmali telefonlardan foydalanish kerakligi aytiladi. Agentlik manbalari bunday buyruq so‘nggi vaqtlarda tez-tez sodir bo‘layotgan xizmat axborotining tarqalib ketishi holatlari bilan bog‘liqligini ta’kidladi.
Manba
