Xonanda Rayhon G‘aniyeva o‘zbek tilida kuylasa-da, uning davlat tilida gapirganini deyarli eshitmaymiz. U O‘zbekistonda xizmat ko‘rsatgan artist bo‘la turib, o‘zbek tilida gapirmasligini “Sayyod.com” nashriga bergan intervyusida izohladi, deb yozadi “Darakchi.uz”.
“Avvalambor, til o‘rganadigan yoshda emasman. Mening yoshimda til o‘rganish juda murakkab. Men bog‘cha, maktab va universitetning ham rus tilidagi guruhiga borganman. Do‘stlarim, tanishlarimning deyarli barchasi rus tilida gaplashadi. Men o‘zbek tilida gapirmasam ham, tushunaman. Bu kamchilikni to‘ldirish uchun bir vaqtlar o‘zbek tili repetitoriga ham borganman. Uyimda hammaning o‘zbek tilida gapirishini talab qilganman. Ammo men bundan qiynaldim va asabiylashdim. Farzandlarim hozir o‘zbek tilida gapiradi, balki ularga qo‘shilib o‘zbek tilini o‘rganib ketarman”, — dedi xonanda.
Manba
