Polsha poytaxti Varshavada balandligi olti metrga teng shokoladli palma daraxti yaratildi. Mahalliy matbuotning yozishicha, ushbu shirin palmaning og‘irligi 220 kilogrammga teng o‘ttiz beshta bargi bor. Daraxtning o‘zi esa 500 kilogramm tosh bosadi.
Ma’lumotlarga ko‘ra, shahardagi maydonlardan birida "o‘stirilgan” bu palmani tayyorlash uchun 300 soat vaqt ketgan. Aksiya tashkilotchilarining so‘zlariga ko‘ra, bundan ko‘zlangan maqsad ish tashvishlari va uy yumushlaridan charchagan poytaxt aholisi va mehmonlari qalbiga oz bo‘lsa-da ko‘tarinkilik ulashishdan iborat. Maydonga yig‘ilganlar ana shu lazzatli shirinlikdan tatib ko‘rish imkoniyatiga ega.
Manba:uza.uz
