Suriyaning Rossiyadagi elchisi Riyod Xaddod bergan bayonotga ko‘ra, “Chegara bilmas shifokorlar” xalqaro gumanitar tashkilotiga tegishli, Damashqdan 140 km narida, Idlib viloyatida joylashgan shifoxonaga AQSh boshchiligidagi xalqaro koalitsiya kuchlari tomonidan bomba tashlangan. Bu haqda Meduza yozmoqda.
“Gospitalni AQSh harbiy-havo kuchlari vayron qildi, – dedi diplomat. – Rossiya havo-kosmik kuchlari bunga mutlaqo aloqador emas. Buni olingan razvedka ma’lumotlari ko‘rsatmoqda”.
Eslatib o‘tamiz, kecha, 15-fevral kuni, “Chegara bilmas shifokorlar”ning Idlib viloyatidagi davolash punkti bombardimon qilingandi. Matbuotda norasmiy ma’lumotlarga tayanilgan holda bu ish Rossiya samolyotlari tomonidan amalga oshirilgani xabar qilingandi.
Manba
