Yaponiyalik olimlar bir tomchi qondan 3 daqiqa ichida onkologik kasallikni erta bosqichida aniqlash imkonini beradigan texnologiyani yaratishdi.
“Texnologiya bor-yo'g'i bir tomchi qon orqali xavfli shish majudligini va oshqozon, yo'g'on ichak va oshqozonosti bezi saratonini erta bosqichida bor-yo'g'i 3 daqiqada aniqlashga imkon beradi. Bunday texnologiya dunyoning boshqa hech erida yo'q”, deb ma'lum qildi MYTECH kompaniyasining ilmiy xodimi Kasuyuki Xasegava.
MYTECH kompaniyasi Syova universiteti qoshidagi Toyosyu shifoxonasi bilan birgalikda ushbu texnologiyani yaratdi.
Kompaniya buning uchun maxsus tarkibga ega metalldan plastina yaratdi. Plastinaga joylashtirilgan xavfli shishga ega bemorning bir qon tomchisi ultrabinafsha nurlanish va boshqa turdagi nurlanishlar bilan ishlanganda yorug'lanishni boshlaydi, xavfsiz shishga ega bemorning qoni esa yorug'lik tarqatmaydi.
Yuqori aniqlikdagi tibbiyot uskunalari ishlab chiqarishga ixtisoslashgan kompaniya olimlari tomonidan oshqozon, yo'g'on ichak va oshqozonosti bezi saratonini aniqlash usuli ham ishlab chiqildi. Bu usulni klinik sharoitlarda qo'llashni boshlash uchun bir yil kifoya qiladi.
“Buning uchun onkogolik kasallik turiga ko'ra bir-biridan farq qiluvchi olingan fotosuratlardan ma'lumotlar bazasini yaratish zarur”, deydi Xasegava.
20 nafar onkologik kasallar va xavfsiz shishga ega bemorlar bilan o'tkazilgan tajribalar yangi texnologiyaning saraton kasalini 3 daqiqada xatosiz aniqlashga qodirligini ko'rsatdi. Olimlar bir yildan keyin birinchi klinik tajribalar o'tkazishga umid bildirishmoqda.