30 yil muqaddam Bryusseldagi “Eyzel” stadioni devorlari qulashidan omon qolgan italiyalik sayyoh Massimiliano Nataluchchi Parijda sodir etilgan teraktlar vaqtida ham jonini saqlab qoldi. Bu haqda Corriere Adriatico nashri ma’lumotiga asoslanib, “Gazeta.ru” xabar bermoqda.
45 yoshli sayyohning oila a’zolari ta’kidlashicha, qurolli hujum vaqtida u Parijdagi “Bataklan” teatrida bo‘lgan. Unga ziyon yetmagan, faqatgina oyog‘ining ayrim joylaridan kichik jarohatlar olgan.
Eslatib o‘tamiz, “Eyzel” fojiasi 1985-yilning 29-may kuni sodir bo‘lgandi. O‘shanda stadionda Italiyaning “Yuventus” va Angliyaning “Liverpul” jamoalari Yevropa chempionlar kubogining final uchrashuvida maydonga tushgan edi. Stadion tribunalaridan birining devori, asoson italiyaliklar o‘tirgan, qulashi natijasida 39 kishi nobud bo‘lgandi.
