Afg‘onistonning Nangarxar viloyatida o‘zlariga tegishli bomba muddatidan avval portlashi tufayli kamida 12 nafar IShID jangarisi halok bo‘ldi. Shuningdek, yana 21 nafar jangari jarohat olgan. Bu haqda mamlakat mudofaa vazirligi ma’lum qildi, deya xabar beradi “RIA Novosti”.
Terrorchilar portlovchi qurilmani Mazdakdan Achin tumaniga, Shedil bozori hududiga olib kelayotganda detonatsiya ro‘y bergan va muddatidan oldin portlash sodir bo‘lgan. Mazkur hodisa tufayli tinch aholi orasida qurbonlar haqida ma’lumot berilmagan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Manba
