Avstraliyaning Melburn shahrida yashovchi kishilar o'z hovlilaridagi hovuzgi tushib olgan yovvoyi kenguri haqida ma'lumot berishdi.
Buzzfeed nashrida yozilishicha, issiqdan qiynalgan bu kenguri uylardan biriga ruxsatsiz kirib, hovlidagi hovuzga sakragan.
Bu uyda yashovchi oila a'zosi Emi Gerraueyning hikoya qilishicha, kenguru hovuzda 45 daqiqa davomida qolgan.
Uning suvdagi harakatlari kameraga muhrlangan.
"Videodan ko'rishingiz mumkinki, uni hech kim suvga itarib yubormadi, uning o'zi sakrashga qaror qildi. Hovuzimizga o'rdaklar tez-tez tushib turishadi, lekin ilk marta kenguruning kelishi", deydi Gerrauey.
Uning bildirishicha, oila a'zolari uyda o'tirishganida, hovlidan shovqin eshitilgan. Uy egalari hovliga chiqishganida, kenguru suvdan chiqishga behuda urinayotgan bo'lgan. Shundan so'ng, Emining otasi kenguruni suvdan tortib olgan.
"Kun ancha issiq edi. U shunchaki suvga bir tushib chiqmoqchi bo'lgan, lekin u hovuzimizning bunchalik chuqurligini bilmagan ko'rinadi", deydi Emi.