AQSh prezidenti Barak Obamaning qiyofadoshi, xitoylik aktyor Syao Szigo o‘n daqiqali chiqishi davomida 1,5 ming dollar ishlab topmoqda. Bu haqda NBC News ma’lumotlariga tayanib, “Kazinform” xabar berdi.
29 yoshli aktyorning aytishicha, Amerika prezidentiga o‘xshash ekanligini unga ilk bor 2008-yilda aytishgan. “Havo haddan tashqari isib ketganida sochimni kaltalatdim. Shunda Obama haqidagi barcha yangiliklarni kuzatib yuradigan hamkasbim “Obamaga juda ham o‘xshar ekansan!”, deb aytgan”, — deya hikoya qiladi Szigo.
Syao 2012-yili Xitoyning iste’dodlar tomoshasi — Chinese Dream Show’da ishtirok etganidan so‘ng tanilgan.
