BMW kompaniyaning yangi strategiyasida elektromobil va robomobil yaratishga alohida e’tibor qaratilishi ma’lum qilindi. Bu haqda 3DNews xabar bermoqda.
Kompaniyaning Number One Next (“Kelgusi birinchi raqamli”) deb nomlangan yangi strategiyasini taqdim etar ekan, bosh direktor Xarald Kryuger ishlab chiqaruvchi raqamli texnologiyalar va avtonom boshqaruv borasidagi urinishlar jadallashtirilishi, elektron mashinalar yaratishga investitsiyalar kiritish davom etishini bildirgan. I-turkumidagi elektromobilning yangi modeli esa 2020-yilda chiqarilishi kutilmoqda.
Ma’lumot uchun, o‘tgan yili BMW tushumni 15 foizga, 92,2 milliard dollargacha ko‘paytirib, butun dunyo bo‘ylab rekord miqdordagi — 2,2 million dona avtomobil sotgan.
Manba
