Buyuk Britaniyaning Shimoliy Uels grafligidagi Reksem shaharchasida yashaydigan baliqchi Ueyn Folks o'zining baliq ovlash jarayoni tasvirlangan suratlarni tomosha qilayotib, suratlardan birida "arvoh"ni ko'rib qoldi va dahshatga tushdi.
Bu suratda Folks qo'lida 6 kilogrammlik karp balig'ini tutib turibdi, surat fonida esa sarg'ish tusli tasvir paydo bo'lgan va qora tun ichida arvohga o'xshab ko'rinadi.
Mahalliy amaldorlardan biri Pol Pemberton esa bu tasvirning chindanam arvohligiga ishonmoqda. "Poncho ko'li bilan bog'liq mudhish tarixlar bor. Oxirgi yilning o'zida bu erda ikki fojia yuz bergan. Bir odam ko'lga cho'kib ketgan, yana biri shu erda o'z joniga qasd qilgan", deb ma'lum qiladi Pemberton.
"Bizga bir necha marta aholidan bu borada shikoyatlar kelib tushgan. Ular tez-tez arvohlarni uchratib turishadi. Ko'l shahar o'rtasida joylashgan hamda uning atrofi uylar bilan o'ralgan", deb qo'shimcha qiladi u.