Buyuk Britaniyaning Harlou shahridagi ko'ngilochar bog'da Pasxa bayramining nishonlanishi vaqtida 7 yoshli qizcha baxtsiz hodisa qurboni bo'ldi. Bu haqda Daily Mail nashri xabar bergan, deb yozadi "KUN.UZ".
Ma'lum qilinishicha, qiz batutada sakrayotganda uni keskin shamol oqimi chetga itqitib yuborgan. U oqibatda yerga zarba bilan urilib, og'ir jarohatlar olgan.
Qizcha shahardagi malika Aleksandra shifoxonasiga yetkazilgan, biroq olingan jarohatlardan halok bo'lgan.
Noxush voqea sababli Esseks politsiyasi mas'uliyatsizlikda gumon qilib ikki kishini hibsga oldi.
