Buyuk Britaniyada qimmati bo‘yicha mamlakat tarixidagi ikkinchi pochta markasi — qizil penni auksionda xususiy kolleksioner tomonidan 495 ming funt (707 ming dollar)ga sotib olindi. Bu haqda The Independent manbalariga tayanib, “Interfaks”xabar bermoqda.
Dunyoda bunday markadan atigi besh dona bo‘lib, ulardan biri Britaniya muzeyida saqlanadi. Uning noyobligi shundan iboratki, 1863-yilda sifatsiz jihozda bosilgani sababli hamma nusxasi yo‘q qilingan, faqat bir varag‘igina saqlanib qolgan. 2012-yilda yana bir qizil penni 550 ming funtga sotilgan va u Buyuk Britaniya tarixidagi eng qimmat marka bo‘lib turibdi. Uning bahosi yuqori ekanligi yaqinda sotilgan markaga nisbatan yaxshiroq saqlangani bilan bog‘liq.
Ma’lumot uchun, dunyodagi eng qimmat marka 2014-yilda Nyu-Yorkdagi kimoshdi savdosida 9,48 million dollar (6,7 million funt)ga sotilgan Britaniya Gvianasi (British Guiana 1c Black on Magenta) hisoblanadi, u yagona nusxada chiqarilgan.
Manba
