Bavariyada ikki poyezdning to‘qnashib ketishiga dispetcher tomonidan yo‘l qo‘yilgan “insoniy xatolik” sabab bo‘lgan, deb yozadi Meduza prokuratura ma’lumotlariga tayanib.
Bu haqda temir yo‘l halokatini tekshirayotgan prokuror Volfgang Gize maxsus matbuot anjumanida ma’lum qildi.
Uning so‘zlariga ko‘ra, 39 yoshli dispetcherga nisbatan jinoiy tekshiruv boshlangan.
“Agar dispetcher qoidalarga muvofiq harakat qilganida, poyezdlar to‘qnashmagan bo‘lardi”, — dedi Gize.
Eslatib o‘tamiz, ikkita yo‘lovchi poyezdi Bavariyadagi Bad-Aybling shahri yaqinida 9-fevral kuni to‘qnashib ketgan edi. Natijada 11 kishi halok bo‘ldi, 150 dan ortiq kishi turli jarohatlar oldi.
Manba
