Rossiyaning “Yota Devices” kompaniyasi o‘zining ilk smartfonini ishlab chiqqanligini ma’lum qildi. Bu xaqda Lenta.ru xabar qilgan. Qurilma “YotaPhone”deb nomlanib, u “Android 4.2 Jelly Bean” mobil platformasi bazasida ishlaydi.
“YotaPhone” Rossiyada ishlab chiqilgan ilk smartfon bo‘lib, uning o‘ziga xosligi shundaki, u ikkita ekranga ega. Smartfonning old ekrani rangli, sensorli ekran bo‘lib, uning sig‘imi – 1280 x 720 piksel. Orqa ekrani esa electron siyoh texnologiyasi (ushbu texnologiyadan bukridlerni ishlab chiqishda foydalaniladi) yordamida ishlab chiqilgan.
Har ikkala ekran digaonali 4,3-duymga teng bo‘lib, ularning har ikkalasi ham“Corning Gorilla Glass” oynasi bilan himoyalangan.
Smartfon 2013-yilning ikkinchi yarmida Rossiyada sotuvga chiqarilib, uning narxi 20 000 rubl bo‘ladi (650$ atrofida)
“YotaPhone”ga ikki yadroli, 1,5 Ggs chastotali “Qualcomm Snapdragon MSM 8960” protsessori, 2 gigabayt operativ xotira, 12 megapiksellik orqa kamera, video-qo‘ng‘iroqlar uchun HD-formatidagi old kamera, ma’lumotlarni saqlash uchun esa 32/64 gigabayt flesh-xotira o‘rnatilgan
Apparatning o‘lchamlari – 131 x 67 x 9,9 millimetr bo‘lib, uning vazni – 140 gramm
Manba: http://www.uzvip.uz/news/texnalogiya/Rossiya-o%E2%80%98zining-ilk-smartfonini-ishlab-chiqdi-/91/