Isroilning sobiq bosh vaziri Exud Olmert poraxo`rlikda ayblangani bois bugundan 19 oylik qamoq jazosini o`tashni boshladi. Bu haqda “Gazeta.ru” xabariga asoslanib "Darakchi" ma'lumot berdi.
Exud Olmert 2014 yilda Quddus shahri meri lavozimida xizmat qilayotganda “Xolilend” yashash kompleksi qurilishiga ruxsat berish uchun pora olganlikda ayblanib, olti yillik qamoq jazosiga hukm qilingan edi.
2015 yilning dekabr oyida qamoq jazosi 18 oyga qisqartirildi, o`tgan haftada esa tergov ishlariga halaqit berganligi uchun yana 1 oy qamoq jazosi qo`shildi. Olmertning o`zi esa bu aybni bo`yniga olmadi, u poraxo`rlikda ayblangandan keyin bosh vazirlik lavozimidan ketishga majbur bo`ldi.
