AQShning Kaliforniya shtati, San-Fernandio shahrida Metrolink kompaniyasining yo‘lovchi poyezdi relslarda turgan yo‘ltanlamas avtomobilga kelib urildi. Bu haqda “TASS” xabar bermoqda.
Hodisa chog‘ida mashinada haydovchi bo‘lmagan. Dastlabki ma’lumotga ko‘ra, avtomobil buzilgani tufayli temiryo‘lda turib qolgan.
Poyezdda 33 kishi bo‘lgan, ularni shifokorlar ko‘zdan kechirmoqda. Yo‘lovchilardan hech biri kasalxonaga yotqizilmagan.
