Meksikaning katta qismiga yopirilgan kuchli po‘rtana tufayli kamida olti kishi nobud bo‘ldi va o‘nlab odamlar jabrlandi. Bu haqda “RIA Novosti” xabar bermoqda.
Po‘rtana qor bo‘ronlari, jala va shiddati soniyada 20 metrgacha yetgan kuchli shamollarni olib kelgan. Globovision telekanali ma’lumotlariga ko‘ra, Oaxaka va Puebla shtatlarida ikki kishidan, Chyapas va Xalisko shtatlarida esa bir kishidan tabiiy ofat qurboni bo‘lgan.
Meksika fuqaro mudofaasi xizmati koordinatori Luis Felipe Puentening ma’lum qilishicha, po‘rtana mamlakatning 32 shtatidan 27 tasini qamrab olgan, ko‘plab mintaqalar, jumladan, poytaxt Mexikoda mashg‘ulotlar bekor qilingan.
