Rossiyaning “MTS” telekommunikatsion kompaniyasi mamlakat hududida Viber va Skype o'rnini bosadigan messenjerni ishga tushirmoqchi. Bu haqda “Vedomosti” nashri xabar berdi.
Kompaniya raisi Dmitriy Solodovnikovning aytishicha, ushbu dasturga allaqachon 100 million rubl miqdorida investitsiya kiritilgan.
Kompaniya abonentlari yangi messendjerdan 2015 yilning iyunidan boshlab foydalanishlari mumkin. Dastur yordamida tarmoq ichida qo'ng'iroq qilish va xabarlashish bepul bo'ladi, boshqa tarmoqlarga chiqish esa tariflanadi.