Yevropalik olimlar tomonidan o'tkazilgan so'rovnoma ayollar non mahsulotlari ortiqcha vazn hosil qiladi, degan fikrga ishonishlarini ko'rsatadi.
Tahlillarga ko'ra, 25 dan 35 yoshgacha bo'lgan hotin-qizlar orasida non mahsulotlarini iste'mol qilmaslik keng tarqalgan holat. Ammo mutaxassislar non mahsulotlari odamni semirtirmasligini ma'lum qilishmoqda. Ayniqsa, bug'doy kepagi va qora un navidan tayyorlangan mahsulotlar to'lishtirmaydi. Aksincha ochlik hissini qo'zg'atmay, qorinni uzoq muddat to'q tutadi. Tug'ruq yoshidagi ayollar uchun esa non, ayniqsa foydali ozuqa hisoblanadi. Chunki ushbu mahsulot tarkibiga kirgan qo'shimchalar organizmni kerakli vitaminlar bilan ta'minlaydi.