Yaqindan boshlab O‘zbekistonda Lenovo Vibe X2 smartfoni sotila boshladi, deya xabar bermoqda “Mobinfo.uz”. Ushbu qurilma oq, kulrang, qizil va tillarangdagi “ko‘p qatlamli” korpusi bilan ajralib turadi. Yonboshidan u turli rangdagi bir nechta qatlamdan tashkil topgandek ko‘rinadi.
Lenovo Vibe X2 MediaTek MT6595M protsessori, 2 Gb tezkor va 32 Gb ichki xotira, 5 dyuym 1920×1080 pikselli IPS-ekran, shuningdek 13 megapikselli asosiy va 5 megapikselli old kameraga ega.
Akkumulyatori sig‘imi 2300 mA/s ga teng. Smartfon Android 4.4.2 operatsion tizimida ishlaydi.
Poytaxtdagi “Fleshka” savdo majmuasida Lenovo Vibe X2’ni 1,3 million so‘mga xarid qilish mumkin.
