Argentinaning Kordova provinsiyasida sodir bo‘lgan bo‘ronli shamol va jala oqibatida to‘rt kishi halok bo‘ldi. Bu haqda Clarin nashri bergan ma’lumotlarga asosan “TASS” xabar qilmoqda.
Ma’lum qilinishicha, qurbonlarning biri bir yarim yoshli go‘dak bo‘lgan. Bolakay avtomobil salonida o‘tirganda mashinaning ustiga daraxt qulab tushgan.
Rasmiylarning ta’kidlashicha, 100 nafarga yaqin odam evakuatsiya qilingan. Tabiiy hodisa tufayli Kordovada elektr energiya ta’minoti buzilgan.
