Rossiya va Ukraina ikki mamlakatga tegishli yuk mashinalarini qaytarib yuborish to‘g‘risida kelishib oldi. Bu haqda Ukraina infrastruktura vazirligi ma’lum qilgan, deya xabar beradi Meduza.
“Uyga qaytish” tartibi 16-fevraldan 25-fevralgacha amalda bo‘ladi. Rossiyada Ukraina, Ukrainada esa Rossiya yuk avtomobillari tranziti man etilganidan so‘ng, bu davlatlarda yuzlab mashinalar harakatsiz qoldi.
Mazkur kelishuv oziq-ovqati va yoqilg‘isi tugayotgan 600 nafarga yaqin ukrainalik haydovchiga uyiga qaytishga imkon beradi. Xuddi shunday, 600 atrofidagi Rossiya avtomobillari ham Yevroittifoq davlatlaridan mamlakatiga qaytadi.
