O’z tashqi ko’rinishidan doimiy ravishda norozi bo’ladigan kishilar ikki toifaga bo’linadi: ayollar va o’smirlar. Hammadan ham ko’proq o’smir qizlarda bu hol ayniqsa ko’p. Ular o’zlarini xunuk deb qabul qilishadi va bunga ishonch hosil qilish uchun kuniga 50 marotaba ko’zguga qarashga ham tayyorlar.
Bu holda nima qilish mumkin? Bugun Gooper.uz da bunga javob yopishga harakat qilib ko'ramiz.
Agar siz ularni aks tarafga ishontirmoqchi bo’lsangiz, so’zlaringizni eshitishni ham xohlashmaydi. Eshitishsa ham, o’z fikrlarida qolaveradilar. Bu borada siz ba’zi ota – onalarning g’aroyib usullari bilan tanishishingiz mumkin:
“Mening o’smir qizim kun bo’yi ko’zgu qarshisidan ketmas edi. Oynaga qarab turib, o’zining tashqi ko’rinishi va semizligidan nolir edi. Qancha gapirmaylik, qancha harakat qilmaylik undan bu odatni yo’qota olmadik. Oxiri ko’zguga qarashga ruxsat berdik, ammo bu gal ba’zi shartlar evaziga…”
“Har bir ko’zguga qarashning bahosi – uch marta o’tirib turish mashqi.”
“Ko’rinishingdan nolishing mumkin, lekin tabassum bilan.”
“Hozircha natijalar qoniqarli. Ko’zguga kamdan – kam boradi, o’tirib turish esa ajoyib mashg’ulot, yuzda tabassum bilan tashqi ko’rinishdan nolish hatto quvnoq holat. “