Xitoyda ikki ming to'plamdan ortiq ayollar ichki kiyimini o'g'irlagan o'g'ri qo'lga olindi. Ma'lum bo'lishicha, erkak qo'shnisining uyiga yashirincha kirib, ichki kiyimlarni o'g'irlab chiqavergan.
“Vesti.ru”ning xabar berishicha, ma'lum bir vaqt o'tib, sopol taxtachalar o'g'irlangan mahsulot og'irligidan ko'tara olmay sinib ketgan. Shovqin-surondan xavotirga tushgan qo'shnilar esa politsiyani chaqirishgan.
Xorijiy OAVda e'lon qilingan fotosuratlardan ma'lum bo'lishicha, o'g'ri ma'lum bir model yoki rangga mehr qo'ymagan. U qo'liga tushgan har qanday ich kiyimni – oqmi, qizilmi, qorami – farqi yo'q, o'g'irlab chiqavergan.
Huquqni muhofaza qilish organlari jinoyatchining “o'ljalari”ni, u aynan qancha ichki kiyim o'g'irlaganini aniqlash maqsadida, uy hovlisiga tartib bilan joylashtirib chiqishgan.
Ma'lum bo'lishicha, Tan ismli o'g'rida turli qulflarga tushadigan ochqich bo'lgan. Uning yordamida u qo'shnilarning uyiga kirishga muvaffaq bo'lgan. U jami 750ta xonadonga o'g'rilikka tushgan.
“Shanghaiist” xabariga ko'ra, Tan 30-40 yosh oralig'ida bo'lib, bunday mashg'ulotining sababini bolaligidan bor ruhan nosog'lom ekanligi bilan izohlagan.
Ma'lum bo'lishicha, u o'zining ichki kiyimlar “kollektsiyasi”ni 10 yil davomida to'plab borgan. Tan ayollar ichki kiyimini birinchi marta aynan qachon o'g'irlaganini eslay olmasligini tan olgan.