Mart oyi taqdimotida Apple iPad Pro”ning 9,7 dyuym ekranli planshetini taqdim etdi. Taqdimotda yangi qurilmani kompaniyaning marketing bo'yicha katta vitse-prezidenti Fil Shiller namoyish etdi, deb yozadi "KUN.UZ".
Yangi avlod planshetidagi asosiy o'zgarishlardan biri bu uning ekranida bo'ldi. Endi iPad Pro 9,7”ning ekrani iPad Air 2ga nisbatan 40 foiz kamroq qamashadi, 25 foiz yorug'roq bo'ladi. Hozircha barcha planshetlar ichidagi eng yorug'i iPad Pro 9,7” hisoblanadi. Shuningdek, uning ekraniga True Tone” hususiyati qo'shilgan bo'lib, endilikda qurilma foydalanuvchiga tasvirni atrof-muhitga moslashib, yorug'likni uzatadi.
“Qurilmaning protsessori yangi A9X bo'lib, uning grafik protsessori XBox 360 dan kuchliroq hisoblanadi”, - deb aytib o'tdi vitse-prezident Fil Shiller.
Kameraga to'xtaladigan bo'lsak, Apple o'z strategiyasida davom etib, planshetga 12 megapikselli matritsa joylashtirgan, u orqali 4K sifatli video olish imkoniyati ham mavjud. iPad Pro kabi yangi planshetni Apple Pencil va klaviatura bilan birga qo'llasa bo'ladi.
Yana bir yangilik esa, ushbu planshetni pushti oltin” rangda sotib olish mumkin.
Yangi qurilmalarning 32 gigabaytli rusumi 599 dollar, 128 gigabaytli rusumi 749 dollar va 256 gigabaytlisi 899 dollar qiymatida sotuvga qo'yiladi.
