Eng yirik aloqa operatori “Beeline” O‘zbekistonda birinchi bo‘lib havo kemalari bortida rouming xizmatlarini taqdim eta boshlagani haqida xabar beradi. Ushbu noyob xizmat respublikaning uyali aloqa bozori yetakchisi va “AeroMobile” Britaniya operatori bilan hamkorlik tufayli ishga tushdi.
“Texnologiyalar rivojlanishi va innovatsiyalarning joriy qilinishi natijasida fuqaro aviatsiyasi uyali aloqa mavjud bo‘lmagan doiradan tobora chiqib bormoqda, – voqeani sharhlaydi “Unitel”ning tijorat direktori Maksim Yefremov. – Hamkorimiz “AeroMobile” kabi bortdagi aloqa operatori bilan ko‘p aviakompaniyalar hamkorlikni rivojlantirmoqdalar. Mamlakatda birinchi bo‘lib balandlikdagi aloqa avzallillarini aynan “Beeline” abonentlari his etishlaridan biz g‘ururlanamiz”.
Bugungi kundan boshlab “Beeline” roumingi quyidagi aviakompaniyalar samolyotlarida mavjud: Transaero, British Airways, Air France, Lufthansa, KLM, SAS, Emirates, Virgin Atlantic, Qatar Airways, Etihad Airways, Singapore Airlines, Aer Lingus va Eva Air. Aviakompaniyalar ro‘yhati doimiy ravishda kengayib bormoqda.
Samolyot bortida roumingdan foydalanish juda oson: uchib, yuksaklikga yetgandan so‘ng “Beeline” SIM-kartasiga ega bo‘lgan uyali vosita avtomatik ravishda, yoki mustaqil yoqish orqali "Aeromobile” tarmog‘iga ulanadi. Abonent operatordan salomlashuv xabarini oladi. Undan keyin telefondan qo‘ng‘iroq qilish, SMS yuborish va Internetga chiqish uchun foydalanish mumkin.
Samolyot bortidagi rouming xizmati narhlari:
· kirish qo‘ng‘iroqlari daqiqasi – $7,98
· O‘zbekistonga chiqish qo‘ng‘irog‘i daqiqasi – $6,96
· boshqa mamlakatlarga chiqish qo‘ng‘irog‘i daqiqasi– $8,40
· bir chiqish SMS – $1,26
· GPRS (1 Мb) – $27
Havo kemasi bortidagi “Beeline” roumingining barcha kirish SMS‘lari – bepul.
