Kanada fuqarosi bo'lgan Alan Vazelenchuk qo'lda tayanib ko'tarilish (otjimanie) bo'yicha hozircha norasmiy bo'lib turgan rekordni qayd etdi. CBC bergan ma'lumotga ko'ra, 65 yoshli Edmontonda yashovchi fuqaro 91 marta qo'lga tayanib ko'tarilish mashqini amalga oshirgan, deb yozadi "KUN.UZ".
«Men o'zimda stress holatini sezdim. Men barcha odamlar oldida ularni sharmanda qilishni istamasdim. Shu yoshimda bunchalik asabiylashaman deb o'ylamagandim», deya ta'kidlagan Vazelenchuk.
Vazelenchuk avtobus haydovchisi sifatida nafaqaga chiqqan. U 2015 yilning noyabridan boshlab shug'ullanib keladi. Kanadalikning tan olishicha, u o'zida ortiqcha vazni sezgan va formasini yo'qota boshlagach shu qarorga kelgan. Endilikda, Vazelenchuk o'z harakatlari jamlangan videoyozuvni Ginnesning rekordlar kitobi mutaxassislariga jo'natishi lozim. Olti-etti hafta o'tib uning natijasi rekord sifatida qayd qilinishi yoki qilinmasligi oydinlashadi.