Maldiv orolida "Hilton” mehmonxonalar tarmog‘i birinchilardan bo‘lib suvosti restoran ochdi. Akvariumsimon restoran 5 metr chuqurlikda joylashgan bo‘lib, mehmonlar faqatgina yorqin marjon qoyalarni emas, balki Maldiv orolining o‘ziga xos boy suvosti olamini ham tomosha qilish imkoniga ega bo‘lishadi.
Suvosti oshxona taomnomasidan mahalliy va yevropa taomlari o‘rin egallashi kutilmoqda. — Biz suvosti restoranini qurish uchun akvarium texnologiyasidan foydalandik. Asosiy maqsadimiz tashrif buyuruvchilarga okeanning hayratomuz go‘zalligidan bahra olish imkonini berishdir, - deydi restoran bosh direktori Karsten Shiyek. "Ithaa” ("Marjon”) hozircha dunyodagi yagona akvarium uslubida bunyod etilgan restorandir.
Internet materiallari asosida tayyorlandi.
