Bizning miyamiz juda mukammal tuzilgan. Uning yordamidan hech qachon voz kecha olmaymiz. Ammo, shu bizning eng ishonchli yordamchimiz bizni aldab qo'yar ekan. Bugun Gooper.uz'da shu haqda ma'lumot beramiz.
1. Agar men kamroq mehnat qilganimda baxtliroq bo’lar edim.
Bizning aqlimiz ko’pincha shu xulosaga keladi. Biz ko’pincha turmush tarzimiz ko’ngil xushlik qilishlik bilan o’tadi deb o’zimizni o’zimiz aldab qo’yamiz.
Shu aldov hissi bizni zerikish va ruhiy tushkunlik holiga tushushimizga sabab bo’ladi. Biz mexnatkash va yaratuvchi insonlarmiz. Baxtli bo’lishimiz uchun har – xil yumushlarni bajarishimiz va bundan zavq olib yashashimiz kerak. Qiladigan har bir ishimizni sidqidildan va jonu – dilimiz bilan qilganimizda baxtga erishamiz.
2. Buni men emas, buni hammasini ular...
Bizning aqlimiz o'zimizning baxtsizligimiz sababi o’zgalardan axtarishga ko’pincha majbur qiladi: Tanishlarimizdan, ota – onamizdan, turmush o’rtog’imizdan… Biz bu safsatani har tomonga bolalar o’z o’yinchoqlarini har tarafga otganidek tashlayveramiz. Tango raqsiga ikki kishi tushganidek, biz ham bir – birimizni bo’lar – bo’lmas ishlar, so’zlar bilan aldaymiz. Agar qilgan ishlarimiz uchun javobgarlikni o’z zimmamizga olishni o’rgansak, baxt poydevorini qurishni boshlagan bo’lamiz.
3. Men baxtli bo’lishim uchun, baxt sirini ochishim kerak.
Sir shundaki, baxtli bo’lish uchun va muvaffaqiyat qozonishning tabiatda hech qanday siri yo’q. Qanchadan qancha kitob mualliflari baxt kaliti mavjudligini uqtirmasalarda, bu kalit hech qachon baxt eshiklarini ochmagan. Siz o’zingiz o’z taqdiringiz, hayot tarzingizni yagona egasisiz va buni ustida tinmay mexnatda bo’lasiz. Bu ishlarni qisqa yo’li bo’lmaydi. Bu narsani anglashingiz, baxtli bo’lishingiz tomon qo’ygan yana bir qadamingizdir.
4. Agar menda bo’lganida edi…
Bizni miyamiz bizga agar yaxshi ishimiz, boshqa uyimiz, boshqa mashinamiz bo’lganida yanda baxtliroq bo’lishimiz mumkinligi haqida taklif va maslahatlarni beraveradi. Bu tavsiyalarda hech qanday yomonlik bo’lmasada, bu hol bizni avtomatik tarzda baxtli qilib qo’ymaydi. Bu holat bizni vaqtinchalik kayfiyatimizni ko’tarsada, tezda o’tib ketadi. Agar bizni orzularimiz bitmas tuganmasligini tushunib yetsak, baxtimizni qadriga yetishga o’rganamiz.
5. O’zimni borligimcha yaxshi ko’raman, o’zgarishni xohlamayman.
Bu narsalarni o’ylash bilan biz orqaga ketishga poydevor qo’yayotganimizni anglashimiz zarur. Hayot – o’zgarishlar va baland pastliklardan iborat. Qaysidir bir holatlarni nazorat qila olsak, boshqalari bundan mustasno bo’lishi mumkin. Hayotni o’zgartirishga qarshi chiqish muvaffaqiyatsizlikka duchor qiladi. O’zgarishlar muqarrar. Siz buni qabul qilishingiz va bu oqim bilan hamohang bo’lishingiz kerak. O’zgarishlarga ko’nikish, baxtli bo’lish uchun muhim omil.
6. Bugun bo’lmasa - hech qachon.
Bizning ongimiz ko’pincha umidsizlik va nadomad hissiga tushib qolib, bizni omadga erishishimizga to’sqinlik qiladi. Baxtga erishish uchun qa'tiyatli bo’lishimiz zarur. Ongingizni sizni aldashiga yo’l qo’ymay, mag’lub bo’lishni tan olmang. Ertaga nima bo’lishini va erta sizga nima berishini bilmaysiz. O’z orzuyingizga erishish uchun bugunning o’zi kifoya qilishi mumkin.
7. Nima qilishni aniq bilganimda, qaror qabul qilaman.
Qancha ko’p o’ylasangiz shunchalik boshi berk ko’chaga kirib qolasiz. Tavakkal qilish, tahlil qilish, reja tuzish bu muhim omil bo’lsada, agar bir qarorga kelmasangiz bu hammasi befoyda. Biz ko’pincha qaror qabul qilishdan oldin to’liq axborotga ega bo’lmaymiz. Shubxa qilishni to’xtating! Omadsizlikka uchrab hayot to’xtab qoladi degan fikrga bormang. O’z ongingizni noto’g’ri fikr yurutish torlariga tushirib qo'ymang.
8. Qilmaslik kerakligini bilsamda, lekin…
Bizni ongimiz yomon odatlarni oqibatini bilsada, bizni aldashga urinadi. Ayniqsa bu sog’lig’imiz bilan bog’liq bo'lsa. “Chekish zararli bo’lsada, bu ozishga yordam beradi”. ” Bu ta’omni iste’mol qilish semizlikka olib kelsada, uni iste’mol qilaveraman. Agar hayotdan zavq olmasam – yashashdan nima maqsad”. Sog’liqdagi muammolar baxtli turmush kechirishga to’sqinlik qiladi. Bu narsalarni tushunib yetib o’z kamchiligimizni bartaraf etish, o’zimizni oqlash hissidan voz kechishimizga olib kelsa, ongimizni bu harakatlarimizga qarshi qo’yayotgan to’rlariga tushib qolmaslik yo’llarini ko’rsatadi.
Miyangiz sizni aldashiga yo'l qo'yib qo'ymang!
Mirmuhammad Ergashev, Gooper.uz uchun maxsus