Birlashgan Millatlar Tashkilotining Inson huquqlari bo‘yicha kengashida hozirgi kunda dolzarb masalaga aylanib ulgurgan internetdagi anonimlik masalasi muhokama qilindi, deb xabar bermoqda “Hi-Tech.Mail.ru”.
Muhokama jarayonida internetda shaxs sirlarini saqlash insonning ajralmas huquqlaridan biri degan xulosaga kelindi. BMT raqamli texnologiyalar davrida anonimlik foydalanuvchiga o‘z fikrini erkin bayon qilishga imkon beradi, deb hisoblaydi.
Tashkilot maxsus xizmatlar tomonidan tekshiruvlar uchun sabab sifatida ko‘rsatiladigan firibgarlik va terrorchilik muammosini inkor etmaydi, biroq bu oddiy fuqarolarning huquqlarini cheklashga asos bo‘lmasligi lozimligini ta’kidlaydi. Qayd etilishicha, oddiy fuqarolar ularning yozishmalarini uchinchi tomon o‘qimayotganiga amin bo‘lishi lozim.
