“Barselona” hujumchisi Lionel Messining Chempionlar ligasi chorak finalida “Atletiko”ga qarshi o‘tkaziladigan match uning karyerasidagi 500-o‘yin bo‘lishi mumkin . Bu haqda sports.ru xabar berdi.
11 yildan buyon professional futbolda faoliyat yuritayotgan 26 yoshli hujumchi 499 matchni o‘tkazib, ularda 386 ta gol kiritgan va 152 holatda gol urishga yordam bergan.
Messi “Barselona” uchun 415, Argentina terma jamoasida esa 84 matchni o‘tkazgan.
Eslatib o‘tamiz, Yevropa Chempionlar ligasining chorak finalidagi “Barselona” — “Atletiko” jamoalari o‘rtasidagi o‘yin 1-aprel kuni soat 23:45 da boshlanadi.
“Sport” telekanalidagi manbamiz xabariga ko‘ra, Toshkent vaqti bilan 23:45 da “Manchester Yunayted” — “Bavariya” o‘yini to‘g‘ridan-to‘g‘ri olib beriladi. “Barselona” — “Atletiko” o‘yini esa avvalgi uchrashuv tugashi zahoti efirga uzatiladi.