Amerikaning Oregon shtatida yashovchi dunyoning eng keksa, 26 yoshli mushugi, Velvet hech qachon ijtimoiy tarmoqlar yulduziga aylanish kech emasligini isbotladi. Agar uning yoshini inson yoshiga o`giradigan bo`lsak, bu inson umrining 121 yilini tashkil etadi, deya xabar berdi “Gazeta.ru” nashri.
Velvet dunyoning eng keksa mushugi sifatida Ginnessning rekordlar Kitobiga kiritilgan. Rekordchi mushukning egalari Instragim, Feysbukda Velvet uchun shaxsiy akkaunt ochishgan. Mushuk haqidagi yangiliklarni minglab foydalanuvchilar kuzatib borishadi. Velvet 1989 yilning 1 avgustida dunyoga kelgan. U ilk marotaba 2014 yilda “uzoq umr ko`rgan mushuk” unvoniga sazovor bo`lgan. Undan ko`proq umr ko`rgan Tiffani ismli mushuk undan bu unvoni tortib oladi, ammo Tiffani 2015 yilda vafot etganidan keyin, o`z-o`zidan birinchilik yana Velvetning o`ziga qaytdi.
Mushukning 34 yoshli sohibasi Eshli Rid Okura hayotini Vilvetsiz tasavvur qila olmasligini, sevimli mushugi uning uchun dunyoda eng yaqin do`st ekanligini bildirdi.
Manba:"Darakchi" nashri
