Malayziyaning Kuala Lumpur shahrida yashovchilar shahar osmonida illyuminatsiya yordamida qilingan odamning yugurib o‘tganini kuzatishdi. Bu haqda Mashable nashri xabar berdi.
Lexus avtomobil brendi yangi reklama roligida illyuminatsiya yordamida harakatlanadigan odamdan foydalandi. Buning uchun dizayner Vin Barnxem va texnik rahbar Adam Vrayt tomonidan maxsus kostyumlar yaratildi.
Kostyumlar kiydirilgan manekenlar butun shahar osmoni bo‘ylab ketma-ket qo‘yib chiqilgan va DMXControl dasturi yordamida ularning chiroqlari navbat-ma navbat yonib o‘chishi ta’minlangan.
