Xalqaro valyuta jamg‘armasi G20’ga kiruvchi mamlakatlarni byudjetdan investitsiyalarni ko‘paytirish va tuzilmaviy islohotlarni o‘tkazish orqali iqtisodiy o‘sishga ko‘mak berish uchun muvofiqlashtirilgan chora-tadbirlarni qabul qilishga chaqirdi, deya xabar bermoqda “Vedomosti”.
Xalqaro moliya tashkiloti ogohlantirishicha, bozorlardagi joriy beqarorlik va ishlab chiqarishning o‘sish sur’atlaridagi pasayish uni jahon yalpi ichki mahsuloti oshishi bo‘yicha o‘z prognozini yana pasaytirishga majbur qilishi mumkin.
XVJ ekspertlari Shanxaydagi G20 moliya vazirlari uchrashuvi uchun tayyorlagan ma’ruzasida dunyo iqtisodiyotini “tetiklashtirish” uchun risklar oshganini ta’kidladi. Jamg‘arma tahlilchilari fikricha, bu “yigirmalik”dan talabni qo‘llab-quvvatlab turish, shuningdek, rag‘batlantiruvchi pul-kredit siyosatini saqlab qolish bo‘yicha tezkor choralarni talab qiladi.
