Amerikalik xakerlar Germaniya va Fransiya qurolli kuchlari haqidagi axborotni qo‘lga kiritishga urindi. Bu haqda “Kommersant.ru” xabar bermoqda.
“Germaniya Federal razvedka xizmati bir xorijiy axborot xizmatidan EADS Deutschland firmasidan ma’lumotlar o‘g‘irlangani haqida axborot oldi”, — deb yozadi Germaniyaning Bild nashri.
Xabar berishlaricha, 2011-yilning 2-noyabr kuni Yevropa aerokosmik va mudofaa konserni (EADS) va Amerikadagi qandaydir xakerlar o‘rtasida taxminan uch soat davomida 5116 marta aloqa o‘rnatilgan.
Nashrning qayd etishicha, xakerlar Germaniya Federal razvedka xizmatidan 2005-yildayoq Fransiya va Germaniya qurolli kuchlarining harakatlari haqidagi axborotni qo‘lga kiritishga uringan.
