Andijon shahri ko‘chalarida GM Uzbekistan’ning yangi mahsuloti — T250 bazasidagi Ravon Nexia avtomobili sinovdan o‘tkazilmoqda. Avtomobilning suratlari Facebook’dagi “Voditeli Tashkenta” guruhida e’lon qilingan.
Suratlarda yorqin yashil rangli avtomobilning old va orqa tomonlari qora mato bilan himoyalangani, davlat raqam belgisi o‘rnatiladigan qismiga esa QAP yozuvi tushirilgan peshlavha o‘rnatilganini ko‘rish mumkin.
Eslatib o‘tamiz, Ravon Nexia’ning taqdimoti 2015 yil oktabrida bo‘lib o‘tgandi. Model 2016 yil bahoridan Rossiyadagi avtosalonlarga yetkazib berilishi haqida avvalroq xabar berilgan edi.
