Rossiyada 2015 yilning may oyida engil avtomobillar va engil tijoriy avtomobillar savdosi 125,801 mingtani tashkil qildi va bu bir yil avvalgi ko'rsatkichdan 37,6 foiz kamroqni tashkil qildi. Bu haqda evropa biznesi uyushmasi avtomobil ishlab chiqaruvchilari qo'mitasi bergan xabarda aytilmoqda.
2015 yilning yanvar-may oylaridagi savdo hajmi esa o'tgan yilning shu davriga nisbatan 37,7 foizga kamroqni, ya'ni 641,933 mingta avtomobilni tashkil qildi.
Xususan, Rossiyada yanvar-may oylarida GM Uzbekistan qo'shma korxonasining 8622 ta avtomobili sotilgan. Bu o'tgan yilning shu davriga nisbatan 58,7 foiz kamroqni tashkil qilgan, o'tgan yil shu davr mobaynida 20888 ta avtomobil sotilgan edi.
Jumladan, Rossiyada may oyida GM Uzbekistan avtokorxonasining 1558 ta mashinasi sotilib, 2014 yilning may oyiga nisbatan 55,7 foiz kamroqni tashkil qildi.
GM Uzbekistan O'zbekiston-AQSh qo'shma korxonasining Rossiya avtomobil bozoridagi ulushi yanvar-may oylarida o'tgan yilgi shu davrdagi 2 foizlik ko'rsatkichdan 1,3 foizgacha tushib ketgan. Shu bilan birga korxona Rossiyadagi savdolar hajmi bo'yicha apreldagi 21-o'rindan 19-o'ringa ko'tarilib oldi.
