Shveytsariyalik jurnalist Karl-Magnus Xelgegren 10 va 11 yoshli o'g'illarining komyuterda o'ynaladigan shafqatsiz o'yinlarga mukkasidan ketganidan havotirlanib, ularni o'yin voqealari bo'lib o'tadigan ikki davlatga Isroil va Falastinga olib borishga ahd qildi. Bu bilan u farzandlariga haqiqiy urushni ko'rsatish va shu yo'l bilan ularni shafqatsiz, qonxo'r o'yinlarni o'ynashdan qaytardi.
Bu haqda The Local nashriga tayanib, Glunews.ru xabar beradi. “O'tgan yilning kuzida o'g'illarim bilan bir stol atrofida o'tirib, ular o'ynayotgan o'yin haqida daxshatli fikrga keldim. Ular menga Call of Duty deb nomlanuvchi o'yinning qay tarzda o'ynalishi, uning turli bosqichlaridan qay tarzda o'tish mumkinligini aytib berishganida o'zimni hayratdan tuta olmadim.
Yoshligimda men ham urushni biroz boshqacha tasavvur qilardim, ammo 29 yoshimda jurnalist sifatida ma'lumot olish uchun haqiqiy urush maydoniga kelganimda, urush men o'ylagandan ko'ra qo'rqinchliroq, daxshatliroq ekanini tushunib etganman. Aniq bilamanki, ayni damda mening farzandlarim ham urush aslida nima ekanini bilishmaydi, balki ko'zlari bilan ko'rishsa fikrlari o'zgarar degan o'yda shu qarorga keldim” - deydi Karl-Magnus Xelgegren. Karl-Magnus Xelgegren faoliyati taqazosi bilan bir necha bor yaqin sharqda bo'lganligi sababli ham urushning aslida qanday ekanini yaxshi bilardi.
Shu sabab u farzandlarini haqiqiy urush haqida tasavvurga ega bo'lishlari lozim, degan fikrda ular bilan Isroil va Falastinga turistik chipta asosida yo'l oldi. “Urush maydoniga kelgan kunimizning ertasiga, o'g'illarim biz bu erga biz o'ynayotgan o'yin tufayli kelganimiz rostmi? - deb so'rashdi, men esa ularga ha, sizlar buni o'z ko'zingiz bilan ko'rishingiz kerak, deb javob berdim. Albatta, sayohat ko'ngildagidek bo'lmadi. Ular urushda jarohatlargan bolalarga yordam ko'rsatilayotgan chodirlarga kirishdi, qon, og'riq va ko'z yoshlarni ko'rishdi.
Uyga qaytish oldidan esa ular o'z-o'zidan boshqa hech qachon Call of Duty kabi o'yinlarni o'ynashni istamasliklarini aytishdi.Men ulardan aynan shu so'zlarni eshitish uchun ham jonni xatarga qo'yib bo'lsa-da, daxshatli safarni amalga oshirdim. Bunday o'yinlar yoshlar ongini zaharlaydi, ularni o'qish va bilim olishdan qaytaradi. Men eng avvalo ota, qolaversa jurnalist sifatida farzandlarim, Shveytsariya yoshlarining kelajagi ana shu arzimas o'yinlarni deb barbod bo'lishini istamayman” – deya qo'shimcha qiladi Karl-Magnus Xelgegren. Albatta, odamlar orasida uning bu ishi bolalarning miyasini zaharlaydi deya fikr bildirganlar ham bo'ldi, ammo aksariyat u tutgan yo'l to'g'ri, deb fikr bildirdi.