Amerikaliklar bor yo‘g‘i bir narsa – Yangi Olamni barpo qilish yo‘lida osuda hayot kechirib turgan 12 000 000 (o‘n ikki million) kishining yostig‘ini quritdilar! Bu begunoh xalqlarni yo‘q qilish uchun 93 (to‘qson uch) marta ommaviy qirg‘in qurollari ishlatilgan urushlar qilindi. (Amerikaliklar bu qirg‘inni shunday izohladilar:) "Bu urushlardan sog‘-omon qolgan hindular, amerikaliklar ustunligi yo‘lida bo‘lib o‘tgan janglardan keyin, o‘z qo‘llari bilan o‘z qabrlarini qazidilar . Chunki, hindular urush olovini birinchi bo‘lib yoqdilar va bu qurbonlardan ular javobgardirlar! Ba’zi hindular tangrining qazo va qadari bilan yevropaliklar bilan birga kelgan kasalliklar sababli vafot etdilar!”. Bu so‘zlar – yolg‘on va buhtondir!
Ko‘plab beg‘araz izlanishlar shuni ko‘rsatdiki, hindular hozirgi Yevropaning yer maydoniga yana yarim million gektar qo‘shiladigan katta territoriyada yashar edilar. Yevropaliklar kirib kelishganida hindularning soni 100 0000 000 (yuz million) bilan 200 000 000 (ikki yuz million) o‘rtasida edi. Biroq, amerikalik tarixchi (barcha mustamlakachilar kabi) bu sonni 1 000 000 (bir million) yoki 2 000 000 (ikki million) deb ko‘rsatdi. Bu raqamlar to‘g‘ri edi. Chunki, bu sanoq (qonli urushlar tugagan) 1900 yilda amalga oshirilgan hisobotlarga ko‘ra edi!
Amerika maktablarida o‘qitilayotgan darsliklarda: "(Afsuski), bu qirg‘in – bandalar xayoliga keltirmagan taqdirning og‘ir musibati bo‘lib, unga taslim bo‘lishdan boshqa chora yo‘q edi” deya tushuntiriladi! Xuddi (Yaponiyadagi) Xirosima va Nagasaki shaharlariga Ameria Havo Kuchlarining "burgut”lari oliy maqsad – Jahon Urushini to‘xtatish uchun tashlagan atom bombalari kabi! Bu bombabo‘ron oqibatida chaqaloqlar va xotin-qizlar bir soat ichida qirildi, shaharlar vayronaga aylandi, jonli va jonsiz inventarlar halokatga uchradi. Bu, aslida, bir madaniyat yoyilishining hoshiyasi va yoyilish uslubi edi. Agar siz bu ishning aybdorini topmoqchi bo‘lsangiz, amerikacha falsafaga ko‘ra anavi "baxtiqarolar”ning qirilib ketishidagi niyat, maqsad va mas’uliyatga qaramay, tabiiyki, qazo va qadarni ayblashingiz kerak!! Amerika madaniyati haqida salbiy fikrlarni bildirish amerikacha madaniyatdan nafratlanish oqibatida paydo bo‘ladi!!
(Bosniyaning mard o‘g‘loni) Aliya Izzatbegovichning yozishicha, 1865 yilga qadar joriy bo‘lgan va o‘ldirilgan qizil tanlining boshiga taqib olgan patlardan birini politsiya markaziga olib kelgan odamga mukofot berish ko‘rsatilgan qonun bor edi. Uning bu qilgan ishi muhitni madaniy va fikriy jihatdan qoloq bo‘lgan xalqlardan tozalashga qo‘shilgan katta hissa hisoblanardi. Chunki bu ish Yer yuzini madaniyatsiz qabilalar tarqatayotan "pat”lardan tozalash, demak edi!! "Ozodlik diyori” bo‘lmish Amerika Qo‘shma Shtatlari, bechora qizil tanli hindularning to‘kilgan qonlari ustiga qurilgandir!!
Qo‘shma Shtatlar Armiyasi 1846 yilda Kaliforniyani ishg‘ol qildi. Hisobotlarga ko‘ra, hindularning soni 1769 yilga qaraganda bir necha barobar o‘sgan edi. Ishg‘oldan so‘ng 20 yil ichida ularning 80 (sakson) foizi qirib tashlandi, qolganlari esa tahqirlovchi qonun ta’sirida yo‘q bo‘lish darajasiga yetib keldi. Xayoliy dalalar va oltin konlarining egalariga siyosiy saltanatni bergan xalqlarning mulki, zudlik bilan hindularni ishlab chiqarish quroli sifatida qul qilish va ularni, xuddi ilgari Kolorado va boshqa oltinga boy shtatlarda yo‘q qilinganidek, qirib tashlashga yo‘naldi. Chunki, bu shtatlardagi oltinlarni ishlab chiqarish uchun arzon ishchi kuchiga katta ehtiyoj bor edi. Shuning uchun hindu bolalarni o‘g‘irlash tijorati boshlandi. O‘sha davrdagi ro‘znomalarda quljalloblarning qishloqlarning orqa ko‘chalaridan aravalarni o‘g‘irlangan bolalar bilan to‘ldirib, Sokramonto va San-Fransisko qul bozorlariga olib ketganlari yozilgan.
Birinchi bosqinchilik urushining ilk yillari nihoyasiga yetib, qo‘shimcha xizmatlar: cho‘rilik va fohishalik yumushi uchun xotin-qizlarni o‘g‘irlash avj oldi. Buni ko‘rgan otalar va aka-ukalar "jinoyat” hisoblangan guruhlarni uyushtirdilar. Bu jarayonlar hindularning talaygina urug‘larini ota yerlarini tark etib, qochishga majbur qildi. Odamlarni o‘g‘irlaydigan talonchilar esa "xayriya guruhlariga” birlashdilar. Chunki ular otalarni o‘ldirishar va bu ishlari bilan davlatning "isyonchi guruhlar”ni qirib tashlashida o‘z hissasini qo‘shar edilar. Shunday qilib, hindularni o‘ldirish yoki qul qilib sotish, amerikaliklar yoqtirgan "axloq” va "sharaf”ning bir parchasiga aylandi!
1850 yilning boshlarida Kaliforniya Shtati majlisining birinchi sessiyasida qizil tanli hindularni o‘g‘irlash va qul qilishning qonuniy ekaniga qo‘shimcha o‘laroq, "Hindularni himoya qilish qonuni”ni tasdiqladi. 1860 yilda bu qonun, kiritilgan yangi ilovaga ko‘ra, 10 000 000 (o‘n million)lab qizil tanlilarni og‘ir ishlarda ishlashga majbur qilar edi. Chunki o‘zlari va oilalarini o‘rmonlar va tog‘larga olib chiqib ketgan "isyonchilar”, Amerika Qo‘shma Shtatlari deb atalgan davlatda yashashar va Yerlarini tortib olgan O‘G‘RILARning qonunlariga binoan "boshqalarning mulklariga tajovuz qilgan jinoyatchilar” maqomiga tushib qolgan edilar. Hech qancha vaqt o‘tmadi hamki, hindularni himoya qilish qonuni chiqarildi! Biroq, bu qonundan viloyat hokimi Piter Berndning jazavasi tutdi va parlamentning qonun chiqaruvchi palatasiga "Qizil tanli hindu irqini qirib tashlash lozimligi”ni ochiq ifodalagan maktub yubordi. Unda jumladan shunday deyilgan edi: "Oq tanli odam o‘z vaqtini oltin deb hisoblaydi. Biroq, u hozirgi kunda o‘zining molu mulkini qo‘riqlash bilan ovora. Uning oldida qirg‘inbarot urushdan boshqa chora yo‘qdir. Zotan, urush boshlandi! Endi urushni hindular irqi butunlay yo‘qolib ketguniga qadar davom ettirish kerak!”
Amerikaliklar Mayya, Azita, Buhatan va boshqa madaniyatlarni yo‘q qilib tashlaganliklarini tan oladilar. Chunki qirg‘in – ularning kuchli, "adolatli” va boshqalarni o‘z axloqiy qiymatlariga binoan muhosaba qilishga tayyor bo‘lgan Amerikani barpo qilish yo‘lida olib borishgan kurashlarining bir bo‘lagidir!!
