Suriya prezidenti Bashar Asad Suriyada jang qilayotgan oppozitsiyachilarni qurolni tashlashga chaqirdi, deb xabar qiladi RIA Novosti ARD telekanali xabariga koʻra.
"Qurolni tashlash lozim. Mamlakat siyosiy kun tartibida ishtirok etishni xohlaysizmi-yoʻqmi, buning ahamiyati yoʻq. Eng asosiysi, bu Suriya xalqi manfaati uchun amalga oshiriladi va hozirda amalda boʻlgan qonunlarga toʻliq mos tushadi – sizlar fuqaro sifatida avtomat bilan yugurib, qurolni odamlar va ularning mulkiga qarshi qarata olmaysizlar, bunga haqqingiz yoʻq”, — dedi u Germaniya telekanallarining biriga bergan intervyusida. ARD telekanali oʻsha suhbatdan bir parchani oʻz rasmiy saytida eʼlon qildi.
27-fevral qoq yarim tundan boshlab Suriyada tinchlik tartibi oʻrnatilgan edi. “Tinchlik sulhi” “Islom davlati” va “Jabhat an-Nusra” terrorchilik uyushmalariga joriy etilmasligi, ularga qarshi harbiy harakatlar davom etishi taʼkidlab oʻtildi.
Suriya hukumati oʻt ochishni toʻxtatish borasida Rossiya va AQSH oʻrtasida kelishilgan bitimga oʻz roziligini bildirdi. Ayrim muholifat kuchlar bu bitimga ishonchsizlik bilan qaragan boʻlsa-da, ammo jangovor harakatlarni toʻxtatish gʻoyasi Suriya hukumatiga qarshi kuchlar tomonidan ham maʼqullandi: Rossiya davlati Mudofaa vazirligi general-mayori Igor Konashenkoning soʻzlariga qaraganda, ushbu bitim eʼlon qilingan kunning oʻzidayoq tinchlik oʻrnatilishiga rozi boʻlgan tomonlardan oʻnlab murojaatlar kelib tushgan.
Rossiya TIV rahbari oʻrinbosari Mixail Bogdanov esa “Tinchlik bitimi”ga qoʻshilmaydiganlar Rossiya va AQSH tomonidan bombardirovka qilinishi mumkinligini taʼkidladi.
Manba: "Sputnik News"