Germaniyaning Leypsig shahrida yashovchi 31 yoshli Kristian Brayer o‘z qaylig‘ining qo‘lini so‘rash uchun atayin yo‘l harakati qoidasini buzdi, deb xabar bermoqda “Za rulyom” jurnali.
Uning so‘zlariga ko‘ra, bo‘lajak nikoh muhokamasi chog‘ida 20 yoshli Anya yigiti uning qo‘lini so‘rashning antiqa usulini o‘ylab topishi lozimligini aytgan.
Kristian buning ustida bosh qotirib, bu borada politsiya yordam berishi mumkin degan qarorga kelgan. U taklifni qog‘ozga yozib, o‘zining Volkswagen avtomobiliga joylashtirgan va eng yaqin kuzatuv kameralari oldida tezlikni oshirgan. Beshinchi urinishda kadrga tushishga muvaffaq bo‘lgan. Politsiya tomonidan yuborilgan suratni u qaylig‘iga taqdim etgan va qizdan “Ha” javobini eshitgan.
